මවු පදවිය

2017-03-13 10:55:00       728
feature-top
කිහිලිකරු­ෙවන් පාසල් එන දරුවකු ඇරලවන්නට මවක් ද පැමිණෙන්නී ය.

ඇය ආපසු හැරෙන්නේ දරුවා පන්තියට ගොස් හිඳ ගත් පසු ය.

මා අසා ඇති පරිදි‍ මේ දරුවා විපතට මුහුණ පා ඇත්තේ බීමත් රියැදුරකු පදවාගෙන ආ රියක ගැටීමෙනි. දරුවා යමින් සිට ඇත්තේ ද හරි පැත්තේ ය.

ආබාධය සුව වීමට වසරක් පමණ ගත විය හැකි බව වෛද්‍යවරුන් පවසා තිබේ.

මා සිටියේ පාසල් මිදුලේ ය. දරුවා පන්තියට ඇරලවා මිදුලට බට මව දෙස මම සානුකම්පිකව බලා සිටියෙමි.

‘මේ අම්ම හැමදා ම පුතාව එක්කගෙන එනව නේද?’ මට ඉබේ ම ඇසිණි.

‘ඔව් සර්. ඒ වුණාට මේ මගෙ පුතා නෙමේ. එයත් එක්ක ගිය අනිත් දරුවයි මගෙ පුතා. මේ පුතා ඉන්නෙත් අපේ ගේ ළඟමයි’ ඇය පැහැදිලි කළා ය.

‘එතකොට ඒ දරුවගෙ අම්ම?’

‘සර්, එයාට බබෙක් ලැබෙන්නයි ඉන්නෙ. ඒ නිසා එයාට එන්න අපහසුයිනේ. ඉතිං මං මගෙ දරුව එක්කගෙන එන ගමන් මේ දරුවවත් එක්කගෙන එනව.’

‘බො‍හොම හොඳයි’

‘සර් දරුවො කාගෙ වුණා ම මොකද? අපි අම්මලනෙ. සර්ල සිය ගණනක් දරුවන්ට ආදරෙන් කරුණාවෙන් උගන්නනව නං අපි එක ළමේකුට පිහිට වෙන්න බැරිද?’ ඇය සිනාසුණා ය.

ම සිත පහන් විය.

එය මිනිස්කම උතුරා ගිය ෙව්ලාවකි.

 

ඩී.සී. ද සිල්වා මහතා විසින් යොමු කරන ලද ලිපියක් ඇසුරෙනි.

Wmqgd .ekSu ��; mqj;a m; weiqfrks

More News »